Денеска во финалето на „Копа дел Реј“ за сезоната 2020/2021 Барселона со убедлив резултат 4:0 триумфираше на теренот во Севиља против Атлетик Билбао.

Сите погодоци на каталонскиот гигант беа реализирани во второто полувреме, гол серијата ја започна Гризман во 60 минута. Само 180 секунди подоцна де Јонг ја зголеми предност, а двапати во листата на стрелците се запиша Меси во 68 и 72 минута.

За Атлетик Билбао ова беше второ финале за 14 дена во истото натпреварување, и на дуелот (за сезоната 2019/2020) на 3 април играчите на Марселино загубија со 0:1 од Реал Сосиедад.

Каталонците по 31 пат го освојуваат ова натпреварување, а Атлетик Билбао останува на втората позиција на вечната листа со 23 трофеи. Меси беше прогласен за МВП (најкорисен играч во финалниот меч), Аргентинецот уште еднаш докажа дека е мајстор на фудбалската игра.

Тренерот Роналд Куман го освои својот прв трофеј како тренер на каталонскиот клуб во чиј дрес како играч еднаш дојде до титулата во Кралскиот куп, во 1990 година.

? ????/?? ???? ??? ??? ????????? ?

? #FORÇABARÇA ❤️ pic.twitter.com/jSpnFiWLal

— FC Barcelona (@FCBarcelona) April 17, 2021