ВИДЕО: Барса со кош во последната секунда до финале во Евролигата!
Денеска се одиграа полуфиналните натпревари во Евролигата на Фајнал-фор турнирот во Келн (Германија), за шампионската титула ќе играат Анадолу Ефес и Барселона.
Во првото полуфинале Анадолу Ефес со 89:86 триумфираше над ЦСКА Москва, за турскиот претставник ова е второ финале по ред, во 2019 година загубија токму од рускиот претставник.
Кај победниците Мициќ реализираше 25 поени (шест асистенции), еден помалку на спротивната страна запиша Клајбурн (седум асистенции).
Доста интересно беше и во второто полуфинале, Барселона со 84:82 славеше против Олимпиа Милано. Во последниот напад на каталонскиот гигант во последната секунда решавачките поени ги реализираше Американецот Хигинс.
.@chiggins11 WHAT HAVE YOU DONE?! 😱@FCBbasket are going to the Championship Game 🔥#7DAYSMagicMoment I #F4GLORY pic.twitter.com/Tzb2kaTR6g
— Turkish Airlines EuroLeague (@EuroLeague) May 28, 2021
Кај Барса доминираа Миротиќ со 21 поен (шест скокови) и Калатес со 17 поени (шест асистенции), а за Италијанците Пантер беше најрасположен со 23 поени.
В недела (30 мај) од 17.30 часот ЦСКА Москва и Олимпиа Милано ќе играат за третото место, а за шампионскиот пехар од 20.30 часот екипите на Анадолу Ефес и Барселона.
Барселона последен пат го освои елитното натпреварување во сезоната 2009/2010.