ВИДЕО: Барди со асистенција во триумфот на Леванте против Рајо Ваљекано
Во последното 38 коло од најсилното шпанско првенство составот на Леванте славеше на гостувањето кај Рајо Ваљекано со 2:4.
За домаќините македонскиот репрезентативен голман Столе Димитриевски од клупата за резерви го гледаше мечот во Мадрид, шанса доби неговиот тимски колега Лука Зидан.
Во првиот дела водеше Рајо со голот на Гарсија од 18 минута, потоа следува пресвртот на играчите на Лисци.
Израмни Мелеро во 26 минута, Марти во 44 се погрижи за 1:2, а Мелеро го реализираше и својот втор гол на дуелот непосредно пред паузата по асистенцијата на Енис Барди. Нашиот играч ја заврши сезоната со три асистенции.
Melero 😏pic.twitter.com/6KjCT8kwPn
— GoncaloDias17 🇵🇹 (@goncalo_diass17) May 20, 2022
Гвардиола намали од пенал во 61 минута, а конечниот епилог го постави Коке во 76 минута.
Леванте „доцна се разбуди“ кога беше во прашање опстанокот, на последните пет натпревари од „Ла Лига“ запиша три победи, едно реми и пораз, но тоа не беше доволно, ја освои претпоследната 19 позиција со 35 бодови и во следната сезона ќе игра во понизок ранг („Сегунда“).
Вечерва се одигра уште еден, шампионот Реал Мадрид на својот „Сантјаго Бернабеу“ ремизираше без голови со Бетис.