ВИДЕО: Барди и Леванте испаднаа од „Ла Лига“
Во 36 коло од најсилното шпанско првенство Реал Мадрид на домашен терен го декласираше Леванте со резултат 6:0. Овој пораз (19 сезонава) значеше и официјално испаѓање на Леванте од „Ла Лига“.
„Кралевите“ кои веќе ја обезбедија титулата, сите дилеми ги решија уште во првиот половина час.
Во 13 минута гол-серијата ја започна Менди, па во 16 минута предноста ја зголеми Бензема, а за 3:0 се погрижи Родриго.
Македонскиот репрезентативец Енис Барди настапи од 39 минута како замена за Радоја.
Пред паузата составот на Карло Анчелоти го запиша и четвртиот погодок кој го реализираше Винисиус Јуниор, а истиот играч со два гола го комплетираше хет-трикот во вториот дел.
На врвот Реал има 84 бодови, додека Леванте е на последната 20 позиција со 29 бодови.