ВИДЕО: Барди и Леванте ги уништија шампионските соништа на Барса!?
Вечерва на натпреварот од 36 коло во најсилното шпанско првенство во Валенсија составот на Барселона одигра нерешено 3:3 против Леванте.
После првото полувреме водеше каталонскиот гигант со погодоците на Меси во 25 и 34 минута. Во вториот дел за период од 120 секунди Леванте успеа да израмни преку Мелеро и Моралес.
Кај домаќините македонскиот репрезентативец Енис Барди беше стартер и настапи до 61 минута од Д. Гомез при резултат 2:2.
Дембеле ја врати предноста на гостите во 64 минута, а конечниот епилог го поставо Леон во 83 минута после асистенцијата на Тоно.
На табелата останува првопласиран Атлетико Мадрид со 77 бодови, „јорганџиите“ својот меч ќе го имаат в среда на домашен терен против Реал Сосиедад.
На втората позиција е Барса со 76 бодови, следува Реал Мадрид со 765, а Севиља е четвртопласирана (71). Во среда Севиља ќе ја пречека Валенсија, а в четврток „кралевите“ гостуваат кај Гранада.