ВИДЕО: Бандити со секири и чекани сред бел ден ограбуваат златарница во Англија и бегаат со џип

Фото: „Дејли мејл“ / принтскрин

Драматична снимка од вооружен грабеж кој се случил вчера околу пладне во златарница во англискиот град Лидс, е објавена од британските медиуми. На видеото се гледаат маскирани бандити, кои пред очите на многубројните минувачи, со секири и чекани го кршат излогот на продавницата за накит, ги полнат торбите, по што мирно влегуваат во црн џип „Мерцедес“ и тргнуваат, но кусо потоа запираат, а четвртиот член од бандата трча кон возилото.

Разбојниците по грабежот се обиделе да ги сокријат трагите, напуштајќи го џипот и влегувајќи во „Порше“. Но, полицијата цело време ги следела од хеликоптер. Тие набрзо се судриле со автомобилот, по што продолжиле да бегаат пеш, пренесува „Дејли Мејл“.

„Црниот џип е пронајден напуштен, додека сребреното „Порше 911“ исто така е пронајдено напуштено, откако учествувало во судир на патот Вајтхол во Лидс. Се претпоставува дека двете возила се украдени. Двајца мажи се уапсени и моментално се во притвор“, соопшти полицијата во Западен Јоркшир.

Очевидец откри детали од полициската потера.

„Разбојниците се поделија во две групи и менуваа автомобили, но хеликоптерот веќе беше кренат. Сребреното „Порше“ се судри пред мојата фирма, возачот побегна, но набргу го фатија“, им раскажал тој на медиумите.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот