ВИДЕО | Балабанова: Отворањето на Академијата за урбани танци ВАДА е пионерски потфат

Почна со работа ВАДА – првата академија за улични танци која ќе донесе светски предавачи од САД во земјава. Со овој проект, неговите креатори се надеваат на трасирање на патот кон професионализација на уличните танци и култура, обезбедувајќи услови за едукација на младите танчери.

Создавањето на академијата е догорочен процес и резултат на сето она што сме го работеле во изминатите години со Битрикс Културно-уметнички центар соработувал на повеќе проекти со Американската амбасада.

Целта за отворањето на една ваква академија беше да се создаде платформа со којашто би се подигнало нивото на танцот кај нас. Особено за уличните танци, бидејќи секаде постојат школи за класичен балет, за современ танц, меѓутоа многу е ретко да се сретнат академии за улични танци. Кај нас се’ уште го користиме терминот урбани танци, но поточно е да се каже улични танци и хип хопот како еден од главите стилови. Нашата главна идеја е да се соработува со реномирани танчери и кореографи од Соединетите американски држави, а нормално за да се реализира еден ваков поголем проект потребна е и силна партнерска поддршка и на локално ниво, па така не би можеле да го реализираме проектот без поддршаката на КСП „Центар – Јадро“ и Младинскиот културен центар, кои се партнерите од нашата земја и партнерите од САД, тоа е Бирото за едукација и култура (The Bureau of Educational and Cultural Affairs of the U.S. Department of State) и уште две организации кои се занимаваат со танцот а тоа се „American Voices“ и „American Dance Abroad“, вели за Утрински брифинг, Ивана Балабанова, кореографка и танчерка.

Во програмата ќе учествуваат 35 селектирани танчари и кореографи од Скопје, добитници на комплетна стипендија, а можност за надоградба на своите знаења ќе им се даде и на 25 танчари од: Куманово, Штип, Пробиштип, Охрид, Радовиш, Тетово, Струмица и Гевгелија.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот