ВИДЕО | Бајден се обрати на милиони Американци: Помошта пристигнува

Фото: Профимедиа

Новоизбраниот американски претседател Џо Бајден вети помош за сите Американци засегнати од економската криза што неговиот иден министер за финансии Џенет Јелен ја нарече американска трагедија.

Бидејќи пандемијата со ковид-19 во пролетта ја предизвика најтешката криза од 1929 година и Бајден го повика Конгресот да донесе силна програма за помош без одлагање.

-Ја испраќаме оваа порака до сите што се борат сега: Помошта доаѓа, рече Бајден од седиштето во Вилмингтон, Делавер, каде го претстави својот економски тим.

-Толку многу луѓе едвај се прехрануваат и плаќаат сметки и кирија. Тоа е американска трагедија, рече Јелен, идниот министер за финансии.

„Оваа помош мора да биде брза“

Бајден состави тим кој претежно се состои од жени, припадници на малцинства и членови на администрацијата на Барак Обама. Според него, станува збор за луѓе кои ќе знаат да се справат со предизвиците со кои се соочува американската економија.

-Треба да дејствуваме што е можно побрзо, за рецесијата да не се храни себеси и да направи уште поголема штета- додаде Јелен, поранешниот претседател на Федералните резерви на САД.

За милиони Американци кои останаа без работа и чие работно време е скратено, оваа помош мора да биде брза, заклучи Бајден, повторувајќи го своето предизборно ветување за создавање добро платени работни места и намалување на нееднаквоста.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот