ВИДЕО | Бајден: Кризата во Авганистан не е неуспех

Џо Бајден
Џо Бајден / Фото: EPA-EFE/Oliver Contreras / POOL

Американскиот претседател Џо Бајден синоќа го бранеше повлекувањето на американските трупи од Авганистан, истакнувајќи дека не мисли оти кризата претставува неуспех, тврдејќи оти немало подобар начин тоа да се изведе.

Тој во интервју за Еј-Би-Си Њуз на прашањето дали имало грешка во разузнавачките податоци, планирањето, извршувањето или процената довеле до ситуацијата во Авганистан, истакна дека не мисли оти тоа е неуспех.

– Имаше влада на Авганистан, лидерот на владата влезе во авион, полета и замина во друга земја. Видовте значителен колапс на авганистанската армија, која ја обучувавме, тоа се случи. Тоа едноставно се случи, посочи Бајден.

Тој на прашањењто дали повлекувањето можело да се изведе на поинаков начин одговори: „Не”.

Бајден посочи дека хаосот во Авганистан бил неизбежен по повлекувањето на американските трупи, иако со месеци ветуваше сигурно повлекување.

– Единствена работа која не ја знаевме е што ќе направат талибанците, дека ќе се обидат да ги спречат луѓето да излезат. Што прават сега? Соработуваат, дозволувајќи американските граѓани да излезат. Американскиот персонал заминува, амбасадите заминуваат, и така натаму. Но, имаме потешкотии со тие кои ни помагаа додека бевме таму, посочи Бајден.

Извор: МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот