ВИДЕО: Баерн со победа над „милионерите“ дојде до десеттата титула по ред во Бундеслигата
Фудбалерите на Баерн Минхен со победата во големото дерби „Класикер“ против Борусија Дортмунд од 3:1 ја обезбедија шампионската титула на три кола пред крајот на сезоната.
Баварците во 31 коло пред своите гледачи на „Алијанц арената“ дојдоа до петтата победа по ред во Бундеслигата и на Борусија и избегаа на недостижни 12 бода предност на три кола до крајот.
Ова значи десетта шампионска титула во Бундеслигата за фудбалерите на Баерн Минхен и станаа првиот тим во најсилните пет европски лиги со вакви постигнување. Баварскиот тим е рекордер по бројот на освоени титули во Бундеслигата со 32 „салатари“, додека далеку зад нив се двете Борусии – Дортмунд и Менхенгладбах кои имаат по пет титули, додека Вердер има четири.
Баварците доминираа на „Алијанц арената“ имаа 59 отсто посед на топката, имаа двојно повеќе шутеви кон голот (13-7) и тројно повеќе удари во рамките на голот (6-2), а имаа и речеси 200 додавања повеќе (530-350) од противникот.
Таквата иницијатива вроди со плод во 15 минута кога Сержж Гнабри со одличен шут од 16 метри го отвори резултатот. Роберт Левандовски во 33 минута зголеми на 2:0 во првиот дел.
Во второто полувреме, „милионерите“ заиграа поофанзивно и Емре Џан во 52 минута од пенал намали на 2:1. Потоа Борусија имаше уште неколку шанси да дојде до израмнување, пред се преку Ерлинг Халанд, но немаше промена на резултатот. Конечниот резултат го постави Џамал Мусиала во 83 минута.