ВИДЕО: Баерн Минхен во голем стил им се врати на победите во Бундеслигата
После четири натпревари по ред без триумф, баварскиот гигант по подолг период повторно им донесе радост на своите верни навивачи.
Вечерва во првиот натпревар од осмото коло во најсилното германско првенство составот на Баерн Минхен со 4:0 го совлада Баер Леверкузен.
Сите дилеми околу победникот на оваа средба беа решени уште во првото полувреме кога во листата на стрелците се запишаа Сане, Мусиала и Мане.
Конечниот епилог беше поставем во 84 минута преку Милер. Претходно Мане во 56 минута постигна гол, но истиот поради прекршок беше поништен.
На бундеслигашката табела после третата победа сезонава составот на Јулијан Нагелсман е на втората позиција со 15 бодови, два помалку од водечкиот Унион Берлин кој својот меч ќе го има в сабота на гостувањето кај Ајнтрахт Франкфурт. Баер Леверкузен е на 16 место со пет 5 бодови.