ВИДЕО: Баерн Минхен ја задржа предноста против Волфсбург!
Фудбалерите на Баерн го совладаа на гостински терен Волфсбург со 2:3 во еден од дерби натпреварите на 29 коло во Бундеслигата.
Баварскиот гигант немаше ниту малку лесна задача против третопласираната екипа во најсилното германско првенство. Тимот на Ханси Флик поведе во 15 минута со голот на Мусиала, а во 24 позитивата ја зголеми Чупо-Мотинг.
Кога изгледаше дека лидерот на табелата рутински ќе дојде до нови три бода, домаќинот намали во 35 минута со голот на Венгхорст. Но, до крајот на првиот дел гостите постигнаа уште еден гол, кога стрелец беше повторно Мусиала овојпат во 37 минута.
Волфсбург намали на 3:2 во 54 минута со погодокот на Филип, по што не се менуваше повеќе резултатот. Така, Баерн го искористи вчерашното реми на Лајпциг и ја зголеми бодовната предност на врвот на табелата на пет кола до крајот на сезоната.
Младиот македонски репрезентативец Дарко Чурлинов настапи од 59 минута за Штутгарт во гостинскиот пораз кај Унион Берлин (2:1). Во другите мечеви: Аугсбург-Арминија 0:0, Менхенгладбах-Ајнтрахт 4:0 и Фрајбург-Шалке 4:0. Табела: Баерн 68 бодови, Лајпциг 61, Волфсбург 54, Ајнтрахт 53, Дортмунд 46, Леверкузен 44…