Актуелниот германски шампион вечерва во 21 коло од Бундеслигата изненадувачки на домашен терен одигра само реми (3:3) против екипата на Арминија Билефилд.

Гостите водеа после првото полувреме со головите на Влап и Пиепер кој реализираа во деветтата, односно 37 минута од средбата.

На стартот од вториот дел Баерн Минхен успеа да намали преку Левандовски (48`), но само 60 секунди подоцна тимот на Нојхаус повторно имаше два голови разлика после погодокот на Гебауер.

Не се предаваше составот на Флик, па до крајот извлече бод, најпрвин намали Толисо во 57 минута, а конечниот епилог го постави Дејвис (70`). Баварците спречија пораз, но е прекината нивната серија која траеше пет победи по ред.

И покрај четвртото реми сезонава во најсилното германско првенство, Баерн останува на врвот со 49 бодови, пет повеќе од второпласираниот Лајпциг. Арминија пак останува да се бори за опстанок, моментно е на 16 место со 18 бодови.