Актуелниот германски, европски и светски шампион Баерн Минхен по двата натпревари во Бундеслигата на кои доживеа пораз и едно реми, денеска им се врати на победите и тоа на убедлив начин. Баварците со 5:1 го совладаа Келн во 23. коло од Бундеслигата. Чупо-Мотинг го отвори резултатот во 10. минута, а на 2:0 во 33. минута зголеми Роберт Левандовски.
Гостите се заканија на стартот од второто полувреме со голот на Шкири, но тоа беше се што направија. Левандовски во 65. минута зголеми на 3:1, а победата ја завери Серж Гнабри со два гола.

Излез од резултатската криза најави и Борусија Дортмунд која дојде до втората победа во ред во Бундеслигата, откако со 3:0 славеше над Арминија. Сите голови беа постигнати во второто полувреме, водството го донесе Дауд во 48. минута. Десет минути подоцна Санчо зголеми на 2:0,а во финишот Реиние го постави конечниот резултат.

Шалке со една нога е во втората лигата откако денеска доживеа нов пораз, овој пат со 5:1 од Штутгарт. Сите дилеми беа решени во првите 30. минути кога „швабите“ веќе имаа водство од 3:0. Едно постигна два гола, а третиот беше дело на Калајџиќ. Шалке намали преку Колашинац, но во финишот Клемен и Дидави постигнаа голови за убедлив триумф.

Резултати:
Баерн – Келн 5:1
Штутгарт – Шалке 5:1
Борусија Д. – Арминија 3:0
Волфсбург – Херта 2:0