ВИДЕО: Баерн и Лајпциг одиграа дерби од соништата во Минхен!
Во најинтересниот натпревар од 10 коло во Бундес лигата ремизираа екипите на Баерн Минхен и Лајпциг (3:3).
Гостите поведоа со голот на Нкунку, а потоа домаќините за период од четири минути направија пресврт со погодоците на Мусиала и Милер.
„Црвените бикови“ не се предаваа, па возвратија на ист начин, пред паузата израмни Клајверт, а на стартот од вториот дел Форсберг стрелаше за 2:3. Конечниот епилог го постави Милер со својот втор гол на мечот во 75 минута по додавањето на Коман.
На табелата во најсилното германско првенство и натаму води баварскиот гигант со 23 бодови, два повеќе од второпласираниот Лајпциг.
Во денешните останати средби од рундата беа постигнати следните резултати: Арминија Билефилд-Мајнц 2:1, Ајнтрахт Франкфурт-Борусија Дортмунд 1:1, Келн-Волфсбург 2:2, Фрајбург-Борусија Менхенгладбах 2:2.