ВИДЕО: Атлетико не дозволи ново изненадување во „Ла Лига“!
После ремито и поразот од Леванте во претходните два натпревари, екипата на Атлетико Мадрид овојпат не си дозволи нов кикс, вечерва во 25 коло од шпанското првенство со 0:2 триумфираше над Виљареал.
Во првото полувреме автогол си постигна Алфонсо Педраза (25`), а во второто во листата на стрелците се запиша Жоао Феликс (69`).
На табелата играчите на Диего Симеоне после 18 победа сезонава се на првото место со 58 бодови, пет повеќе од второпласираната Барселона, а воедно „јорганџиите“ имаат и еден меч помалку.
Атлетико во наредното коло го очекува важен дуел во шампионската трка, на 7 март дома ќе се соочи со градскиот ривал Реал Мадрид.
Беа одиграни уште три дуели во текот на денешниот ден: Селта Виго-Ваљадолид 1:1, Кадиз-Бетис 0:1 и Гранада-Елче 2:1.