ВИДЕО: Атлетико „мириса“ шампионска титула, на потег е Реал Мадрид!
Фудбалерите на Атлетико Мадрид го совладаа Реал Сосиедад со 2:1 (2:0) во рамките од 36 коло во најсилното шпанско првенство.
Победата ја обезбедија Јаник Караско во 16 и Кореја со погодок во 28 минута. За Сосиедад во 83 минута стрелец беше Зубелдиа во 83 минута. Одличен беше и домашниот словенечки голман Облак кој запиша шест одбрани.
„Јорганџиите“ сега имаат 80 бодови, четири повеќе од Барселона, пет повеќе од Реал Мадрид и шест од Севиља која славеше дома над Валенсија (1:0).
„Кралевите“ предводени од Зинедин Зидан својот меч од оваа лигашка рунда ќе го одиграат в четврток против Гранада на гостински терен.
До крајот на сезоната екипата на Диего Симеоне треба да ги одигра уште дуелите со Осасуна дома и Ваљадолид на гости.
Се одиграа уште две средби, со ист резултат 1:0 Селта Виго и Хуеска беа подобри од Хетафе, односно составот на Атлетик Билбао. Табела: Атлетико Мадрид 80 бодови, Барселона 76, Реал Мадрид 75, Севиља 74, Реал Сосиедад 56, Бетис 54, Виљареал 52…