ВИДЕО: Атлетико го прегази Јувентус во генералната проверка пред стартот на сезоната

Алваро Мората му даде три гола на Јувентус за кого играше минатата сезона/фото: EPA-EFE/TINO ROMANO

Фудбалерите на Атлетико Мадрид го совладаа Јувентус со убедливи 4:0 во генералната проверка за двете екипи пред почетокот на сезоната.

Натпреварот кој поради војната во Израел, наместо во Тел Авив, се одигра во Торино, го одбележа Алваро Мората кој минатата сезона ја помина во редовите на „старата дама“.


Шпанскиот репрезентативец постигна хет-трик, ја тресеше мрежата на „старата дама“, во 10., 43. и во 62. минута, по што беше заменет од Јаник Караско. Точка на натпреварот стави Матеус Куња.

Јувентус не брилјираше на подготовките бидејќи ја победија само Гвадалахара (2:0), ремизираа со Барселона (2:2) и загубија од Реал Мадрид (2:0).

Видео на денот