Состојбата во Бугарија и вчерашните избори по третите парламентарни избори за само седум месеци како и претседателските избори и како тоа ќе одрази на македонско-бугарските односи, коментираше историчарот Благојче Атанасоски во Утрински брифинг.

-Победата продолжува, партија формирана од поранешни министри Асен Васеилев и Кирил Петков пред само два месеца, успеа да победи. Тоа се високообразовани луѓе на Харвард, економисти се и нивен приоритет е економијата и борбата против корупцијата и не се оптоваруваат со национални прашања, вели Атанасоски за УБ.

Асен Василев изјави дека се отворени за преговори за коалиција со сите партии освен со ГЕРБ на Бојко Борисов.

-Би било лудост во вакви кризни услови да не се успее повторно да се формира влада во Бугарија. Ќе видиме како ќе течат разговорите во следните денови, вели Атанасоски.

Реториката на државната бугарска телевизија е очигледно омекната и почесто се споменува зборот добрососедство одошто говор на омраза како што сме навикнале.

-Петков вели дека не е проблемот во нерешени историски прашања со Македонија, туку во економски прашања, во меѓусебната економска и инфраструктурна поврзаност, вели Атанасоски и додава дека е добра идејата на Петков, кој веројатно ќе биде идниот премиер на Бугарија, историската комисија да се прошири и со заеднички комисии од различни области.

Проследете го целиот разговор во видеото