Екипата на Наполи без поголеми проблеми  со 0:2 славеше на гостувањето кај Болоња во рамки на 22 коло од Серија А. Удел во победата на Наполи имаше и македонскиот репрезентативец Елиф Елмас кој му асистираше на Ирвинг Лозано при постигнување на првиот гол во 20 минута.

Истиот фудбалер на самиот старт од второто полувреме по додавањето од Фабијан Руиз го постави конечниот резултат.

Наполи остана на третото место на табелата со 46 бода, само два помалку од Милан и четири помалку од лидерот Интер кој има и натпревар помалку. Болоња остана на 13 место со 27 бода.

Вистинско изненадување приреди екипата на Специја која со 1:2 го победи Милан на „Сан Сиро“.
Милан поведе со голот на Рафаел Леао во последната минута од првото полувреме.

Во второто полувреме Специја дојде до пресврт, прво Кевин Агудело во во 64. минута израмни на 1:1,  победата ја донесе Емануел Ѓаси со голот во 95. минута.