ВИДЕО: Арсенал за едно полувреме го „прегази“ Тотенхем

Арсенал реди победи, Тотенхем реди порази во Премиер лигата/Лондон, Велика Британија/26 септември 2021/Фото: EPA-EFE/Facundo Arrizabalaga

Фудбалерите на Арсенал убедливо го совладаа Тотенхем со 3:1 на стадионот „Емирати“ во Лондон во шестото коло од Премиер лигата. За Арсенал ова е веќе трет триумф по ред, а за Тотенхем трет пораз во низа.

Работата на „топџиите“ беше завршена практично уште во првото полувреме. Арсенал реализираше три гола за половина час во мрежата на Уго Љорис за половина час и оствари голема предност.

Првиот гол на натпреварот го постигна Емил Смит Роу, по прецизното додавање на Сака. Роу лесно ја смести топката во мрежата за 1:0.

Поминаа 15 минути кога Обамејанг ја зголеми предноста, а Роу овојпат беше асистент. Арсенал продолжи со доминацијата на теренот, Сака тргна во контра и лесно го совлада Љорис за убедливи 3:0.

Домаќините го задржаа високиот резултат, додека Тотенхем се закануваше особено преку Кејн, но без успех. На крајот, јужнокорејскиот интернационалец Сон само успеа да го ублажи поразот на својот клуб.

По почетните три порази во Премиер лигата, Арсенал започна со серија победи, и со денешната сега има три.

Екипата на Артета сега е на 10 позиција со девет бода, иако до неодамна беше во зоната за испаѓање, додека Тотенхем е на 11 место со ист број бодови, но со неверојатна гол разлика од четири постигнати и девет примени голови.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот