ВИДЕО: Арсенал четвртфиналист во Лига купот, пеналите среќни за Челси и Сандерленд

Арсенал ја оправда фаворитската улога на „Емирати“ против Лидс/Лондон, Велика Британија/26 октомври 2021/Фото: EPA-EFE/Facundo Arrizabalaga

Вечерва ги дознавме првите патници во четвртфиналната фаза на англискиот Лига куп, тие се екипите на Арсенал, Челси и Сандерленд.

Составот на Микел Артета на стадионот „Емирати“ во Лондон со 2:0 во осминафиналето го елиминираше Лидс. Стрелци на головите беа Чемберс во 55 минута по додавањето на Пепе, и Нкетиа во 69 минута.

Челси потешко од очекувањата славеше против Саутемптон, пред крајот на првото полувреме Хаверц донесе предност за лондонските „сини“.

На стартот од вториот дел израмнија гостите на „Стемфорд Бриџ“ стадионот во Лондон преку Адамс. Победникот го дознавме во пенал серијата во која Челси беше подобар со 4:3. Кај домаќините непрецизен беше Маунт, а на спротивната страна своите удари од белата точка не ги реализираа Волкот и Смолбон.

Исто така пеналите беа среќни и за Сандерленд кој како гостин со 3:0 од натпреварувањето го исфрли КПР, а мрежите мируваа во регуларните 90 минути.

Преостанатите пет осминафинални мечеви ќе се одиграат в среда (27 октомври): Стоук сити – Брентфорд, Вест хем – Манчестер сити, Лестер сити – Брајтон, Барнли – Тотенхем и Престон – Ливерпул.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот