ВИДЕО: Аргентина чекор поблиску до пласман на Светското првенство

Анхел Ди Марија со прекрасен гол за важен триумф на Аргентина/Монтевидео, Уругвај/12 ноември 2021/Фото: EPA-EFE/ERNSTO

Доцна синоќа фудбалерите на Аргентина го совладаа Уругвај (0:1) во натпреварот од 13 коло во квалификациите за Светското првенство 2022.

За победа на „гаучосите“ доволен беше погодокот на Анхел Ди Марија од седмата минута. Играчот на ПСЖ ја прими топката од Пауло Дибала и со прекрасен удар ја испрати топката во мрежата на уругвајскиот голман Фернандо Муслера.

Домаќините до крајот на мечот се обидуваа преку Луис Суарез да дојдат до бод, но одличниот на аргентинскиот гол беше голманот Емилијано Мартинез. Лионел Меси го започна овој меч од клупата, а на теренот беше од 76 минута кога го замени Џовано Ло Селсо.

Аргентинците се на чекор од пласман на Мундијалот, се наоѓаат на второто место со 28 бодови, пред водечкиот Бразил кој веќе е на СП.

Од друга страна, шестопласираниот Уругвај води грчевита борба со Колумбија, Чиле и Перу за мундијалски „билет“.

Јужна Америка, квалификации за СП 2022

Уругвај – Аргентина 0:1

Табела:

1. Бразил 34 бодови
2. Аргентина 28
3. Еквадор 20
4. Чиле 16

5. Колумбија 16

6. Уругвај 16
7. Перу 14
8. Парагвај 12
9. Боливија 12
10.Венецуела 7

Следни натпревари, 16 ноември

Боливија – Уругвај
Венецуела – Перу
Колумбија – Парагвај
Аргентина – Бразил

Видео на денот