ВИДЕО: Англичаните „гладни“ за одмазда, не ја забораваат неправдата од 2010 година!
Денеска и утре нема натпревари на Европското првенство, но секако репрезентациите учесници во осминафиналето овие два дена ќе ги искористат за анализа на своите следни ривали.
Дуелите помеѓу овие две селекции секогаш носеле возбудувања, вкупно 32 пати се сретнале на официјални средби, 13 пати подобри биле Англичаните, а 15 пати Германците. Четири мечеви завршиле без победник.
Последен пат на „Вембли“ играа на 10 ноември 2017 година кога во пријателски натпревар мируваа мрежите на двете репрезентации (0:0).
Можеби најконтроверзниот меѓусебен меч беше оној од Светското првенство 2010 година одржано во Јужна Африка, кога во осминафиналето Германија славеше со 4:1.
Токму тој ден, 27 јуни 2010 година ја промени и фудбалската игра кога станува збор за сомнителни ситуации, по што подоцна се дојде и до идејата да се направи ВАР технологија која веќе им помага на судиите да ги донесат правилните одлуки.
Доколку постоеше ваквата технологија на споменатиот меч, на крајот можеби епилогот ќе беше поинаков, но за Англичаните имаше тажен крај пред 11 години. При резултат 2:1 за Германците, Френк Лампард постигна чист гол, кој изненадувачки не беше признат.
Вајналдум најави дека Холанѓаните ќе го напуштат теренот доколку има расизам во Будимпешта!