ВИДЕО | Ангеловски: Нерегистрирањето на возилата не е поради сиромаштијата, фаќаме „ауди“, „мерцедес“, „бмв“
Нерегистрирањето на возилтата не е поради сиромаштијата. Фаќаме „ауди“, „мерцедес“, „бмв“. Со таквото нерегистрирано возило, без потврда дека е технички исправно е практично убиец на патиштата, изјави во „Утрински брифинг“ на „Слободна ТВ“ портпаролот на МВР, Тони Ангеловски и додаде дека во таков случај се одземаат регистарските таблички и се додека не се регистрира не се враќаат табличките.
-Казната е двојна од она што ќе го платите кога би го регистрирале возилото. Ова санкционирање не е само репресивна мерка, туку и превентивна. Заеднички треба да се придонесе за справување со нередот во сообраќајот, вели Ангеловски.
Мерките кои ги преземаме изминативе два месеци влијаат на граѓаните и се надевам дека уште повќе ќе се влијае на свеста и она што го имаме како тренд-намалување на сообраќајните несреќи ќе продолжи во иднина, смета Ангеловски.
Целиот разговор со Ангеловски проследете го во видеото.