Планирано предавање на поранешниот македонски премиер Љубчо Георгиевски е одложено поради упад на европратеникот и потпретседател на ВМРО-БНД Ангел Џамбаски и неколкумина негови поддржувачи во салата на Централниот воен клуб во Софија, јави дописникот на МИА од бугарскиот главен град.

Џамбаски целата „акција“ ја пренесуваше во живо на Фејсбук:

Георгиевски требаше да зборува за бугарско-македонските односи, на покана од Клубот за бугарско-македонско пријателство, кој беше формиран неодамна. На настанот требаше да учествува и професорот од Софискиот универзитет, историчарот Стефан Дечев.

Георгиевски изјави дека не му е јасно зошто се прави тоа и на кого му пречи тоа што дошол да го каже.

-Пријателството се гради низ дијалог, категоричен беше тој во кратката изјава за медиумите, кои го следеа тоа што се случуваше пред Централниот воен клуб во Софија.