ВИДЕО | Андоновиќ: Вакцинацијата и сиромаштијата во фокусот на политиката на Путин

Обраќање на Путин пред пратениците од руската Дума/Москва, 2021. Фото/EPA-EFE/SERGEI BOBYLEV/SPUTNIK/KREMLIN POOL

Рускиот претседател Владимир Путин изјави дека руското општество се соочува со многу заеднички предизвици, а особено ги издвои ниските примања на граѓаните. „Нашиот главен непријател што го загрозува стабилниот развој и нашата демографија се ниските примања на нашите граѓани, милиони наши луѓе“, рече Путин за време на состанокот со руските пратеници.

Посебно внимание посветија на прашањето за руската економија. „Инфлацијата оваа година ќе биде над проценетите 5,8 проценти. Високата инфлација влијае на најсиромашните слоеви на населението. „Ние мора да го разбереме тоа, да знаеме и да реагираме соодветно“, нагласи Путин. Тој вети дека ќе се преземат различни чекори со цел да се обезбеди поддршка на граѓаните во услови на инфлација.

„Наредив владата да претстави дополнителни предлози за мерки за социјална поддршка за нашите граѓани во рок од еден месец“, рече рускиот претседател.

Тој додаде дека сиромаштијата е еден од најголемите проблеми на Русија. Путин пред новоизбраните пратеници во Думата изјави дека Русија мора да ја забрза својата кампања за вакцинација против Ковид-19 затоа што забележа најголем број дневни смртни случаи од почетокот на пандемијата, пренесуваат британските медиуми. Обраќајќи им се на новоизбраните пратеници, Путин ги повика активно да ја поддржат кампањата за вакцинација.

-Вакцинацијата ги штити луѓето од инфекции, од сериозни симптоми и ние мора да го забрзаме темпото, рече Путин. Кремљ смета дека бројот на заразени расте затоа што не се вакцинирани доволно луѓе.

Русија брзо ја разви својата вакцина против коронавирусот „Спутник В”, но кампањата на вакцинација бавно се одвиваше, а причината, меѓудругото, е недовербата кон владата и стравот од нови медицински производи.

Според податоците приближно една третина од населението е вакцинирано. Русија во вторникот пријави 973 смртни случаи од последиците од коронавирусот, што е најголем дневен број од почетокот на пандемијата, а истовремено имаше и 28.190 новозаразени лица.

-Главната карактеристика на сегашниот бран е брзото зголемување на бројот на случаите, како и големиот број пациенти чија инфекција покажува брза прогресија во текот на два или три дена и бара реанимација, рече министерот за здравство Михаил Мурашко.

Во моментов 1,1 милиони Руси се лекуваат од симптоми на Ковид-19.

 

Видео на денот