Деветмесечната битка за Бахмут го уништи 400-годишниот град во источна Украина и уби десетици илјади луѓе како демонстрација на стратегијата на Украина да ја истроши руската војска, погубна за двете страни.

Воената „магла“ денеска оневозможи да се потврди ситуацијата на теренот во најдолгата битка на руската инвазија: руското Министерство за одбрана извести дека приватната војска на Вагнер, поддржана од руските војници, го освоила градот. Претседателот на Украина, Володимир Зеленски, изјави дека руските сили не го окупирале целосно Бахмут.

Без разлика, тој мал град одамна има повеќе симболична отколку стратешка вредност за двете страни. Позначаен показател за успехот на украинските сили беше нивната способност да ги задржат Русите таму. Украинската војска има за цел да ги исцеди ресурсите и моралот на руските трупи на мал, но тактички дел од линијата на фронтот од 1.500 километри, бидејќи Украина вели дека се подготвува за голема контраофанзива во сега веќе 15-месечната војна.

„И покрај фактот што сега контролираме мал дел од Бахмут, важноста на неговата одбрана не губи важност“, рече генерал-полковник Олександр Сирски, командант на копнените сили на вооружените сили на Украина.

Тој смета дека овој мал дел кој сè уште е под украинска контрола дава можност украинците да влезат во градот во случај ситуацијата да се промени

На околу 55 километри северно од главниот град на руската област Доњецк, Бахмут беше важен индустриски центар опкружен со рудници за сол и гипс и дом на 80.000 луѓе пред војната во земја со повеќе од 43 милиони жители.

Во последните месеци, Русија и Украина жестоко се бореа околу самиот центар на градот, каде украинските команданти признаа дека Москва контролира повеќе од 90 отсто. Но, дури и сега, украинските сили постигнуваат значителен напредок во близина на стратешките патишта низ селата веднаш надвор од Бахмут, пробивајќи ги северните и јужните страни на Русија метар по метар, со цел да ги опколат борците на Вагнер внатре во градот.

Украинските воени лидери велат дека нивниот повеќе месечен отпор ги ограничил руските можности да делуваат на друго место и им дозволил на украинските сили да напредуваат.

Тие сметаат дека главната цел била да се истрошат руските воени ресурси, а потоа да се нападнат“ и неутрализираат.

Русија распореди засилување во Бахмут за да ги пополни изгубените северни и јужни крила и да спречи понатамошни упади на Украина, смета Киев.

Западните експерти смеаат дека на рускиот претседател Владимир Путин му е потребна победа во Бахмут, каде што руските сили ги насочија своите напори, бидејќи, како што тврдат, руската зимската воена офанзива не успеала да заземе други градови долж фронтот.

Некои аналитичари велат дека дури и тактичките придобивки на Украина во селата во близина на Бахмут може да бидат позначајни отколку што изгледаат.

Победата во Бахмут не мора да ја приближува Русија до освојување на регионот Доњецк, што е воена цел на Путин. Наместо тоа, ја отвора вратата за пожестоки битки во правец на Славјанск или Костјантиновка, на 20 километри, сметаат дел од западните експерти.

Од друга страна рускиот претседател Путин им честиташе на јуришните единици на Вагнер, како и на сите војници на единиците на руските вооружени сили кои им ја дадоа потребната поддршка на крајот на операцијата за ослободување на како што напишша во соопштението до јавноста, Артемовск (руското име за Бахмут)

Дел од светските аналитичари пак сметаат дека и украинците и Вагнер ја исполниле целта. Двете страни водеа жестоки битки во Бахмут додека се позиционираа и постигнуваа други цели. Вагнер стана политички фактор во Русија и прерасна во организација која организација која сега има своја пропагандна и разузнавачка поддршка.

Украинците пак создадоа маневарски сили и голем број нови бригади кои во иднина ќе можат да ги користат на другите точки на фронтот, сметаат дел од аналитичарите.