Најмалку 25 лица, меѓу кои десет деца, загинаа во воздушни напади во Северозападна Сирија, извршени од сириските владини сили и Русија во неделата, соопшти утринава сириската опозициска служба за спасување позната како Бели шлемови.

Воени извори изјавија за Ројтерс дека руски и сириски авиони го нападнале градот Идлиб, кој е под контрола на бунтовниците, во Северна Сирија во неделата.

Сириската армија соопшти дека повторно освоила неколку градови кои ги зазеле бунтовниците во последните денови.

Сириската армија и Русија рекоа дека цел биле засолништата за бунтовниците и негираше дека биле нападнати цивили.

Исто така, сириската армија во саботата соопшти дека била принудена да ги прегрупира своите сили додека одбива терористички напад врз Алепо, вториот по големина град во Сирија, со цел да ги спаси животите на цивилите и војниците додека се подготвувале за контранапад.

الثوار السوريين موجودين الآن على دوار الكرة في قلب مدينة حلب. يمكنكم ملاحظة أن المدنيين يتجولون بلا خوف وبأريحية بين مقاتلي الفصائل الثورية، وهذا ما يعكس الروح والحس الوطني لدى قوى الثورة والمعارضة؛ والتزامهم بمبادئهم الدينية والإنسانية. pic.twitter.com/OzFETQyt05

— ضياء قدور dyaa kaddoor (@dyaakaddoor) November 29, 2024

Во северозападна Сирија се случи она од што многумина стравуваа. Беше само прашање на време, односно погоден момент кога ќе експлодира акумулираната опасност од Идлиб, а тоа се случува токму сега.

Борбите за ослободување на сирискиот град Алепо траеја со години и тој конечно беше ослободен пред 8 години, од страна на регуларната сириска армија на претседателот Башар ел Асад кој со помош на руската армија успеа да извојува победа.

Сириските бунтовници минатата недела започнаа голема офанзива против режимот на претседателот Башар ал Асад.

North-West Syria Conflict Map

Command of Military Operations forces further expand north of Hama and east of Aleppo. pic.twitter.com/eYo2W8JVj1

— Alex Kennedy (@therealmindman) December 1, 2024

Владините трупи изгубија значителна територија по ненадејниот напад од борците предводени од исламистичката милитантна група Хајат Тахрир ал-Шам поранешниот огранок на Ал Каеда во Сирија, порано познат како Фронт Ал Нусра.

Водач на сириските милитанти и главен командант на групата е  Мухамед ал-Џулани кој  според непотврдени информации,  бил убиен во руски воздушни напади во неделата, но ова се неофицијални информации од медиумите.

They got Abu Mohammad al-Julani of Tahrir al-Sham? There goes my bracket. https://t.co/ds5Hn8XbP1

— Jon Gabriel (@exjon) December 1, 2024

Во видео изјавата со која ја најавува офанзивата, бунтовничкиот воен командант, потполковник Хасан Абдулгани ја опиша операцијата како одбранбена неопходност.

За да се запрат нападите врз нашиот народ, оваа операција не е опција. Обврска е да се брани народот и неговата земја. На сите им стана јасно дека режимските милиции и нивните сојузници, вклучително и иранските платеници, му објавија отворена војна на сирискиот народ – ја пренесе неговата изјава „Њујорк тајмс“.

Clashes in Al-Rashidin at western entrance to #Aleppo city #Syria pic.twitter.com/2wdNnnnEjl

— C4H10FO2P ☠️ (@markito0171) November 29, 2024

Непосредните цели на бунтовниците вклучуваат запирање на воздушните напади врз цивилни области, враќање на територијата и прекинување на критичните патишта за снабдување на владините сили, се наведува во прогласот на оваа теористичка организација.

Додека режимот на Асад контролира околу 70% од територијата на Сирија, поголемиот дел од оваа контрола почива на поддршката од надворешни сојузници, како што се Русија и Иран.

Покрај тоа, офанзивата ризикува повторно да разгори пошироки конфликти во Сирија. Исламската држава, иако поразена, сепак постои во регионот преку заспани ќелии. Слабеењето на владината контрола може да создаде простор за овие екстремистички групи да се регрупираат и да ги прошират своите активности.

Recent developments suggest that #HTS is largely unconcerned by the recent #SDF maneuvers and is pressing forward with its offensive beyond #Aleppo. Reports indicate that HTS forces are now closing in on the city of #Hama in central #Syria having captured numerous villages and… https://t.co/HmWsht7qSr

— Ammar Abdulhamid (theactualammar.bsky.social) (@TheActualAmmar) November 30, 2024

Според некои медиуми, Башар ал Асад се наоѓа во Русија, каде што побегнал по офанзивата на бунтовниците.

Офанзивата доаѓа во време кога Иран и неговите прокси групи, вклучувајќи ги Хамас и Хезболах, се зафатени со борби на други места. И Русија е зафатена во Украина, што ја ограничува нејзината способност значително да ја поддржи сириската влада. Турција поддржува некои од бунтовничките фракции вклучени во офанзивата.

Целата анализа можете да ја погледнете во видеото на почетокот на текстот.