Состанокот на шефовите и министрите за надворешни работи на земјите-членки на ОДКБ испрати јасни сигнали за нефункционалноста и можното распаѓање на овој руски воен сојуз.

Вечерта пред состанокот, Ереван беше зафатен од бран демонстрации со барање за повлекување на Ерменија од оваа алијанса и истакната поддршка за Украина.

Тие скандираа и кон Путин, кого толпата го нарече крадец и убиец. Протестите и собирите на граѓаните продолжија и во текот на следниот ден. Беше организирана дури и средба пред рускиот конзулат, на која роднините ги побараа своите мртви пријатели и роднини, како и затворениците од ерменско-азербејџанскиот конфликт, а директно барање беше испратено и до претседателот на Руската Федерација, Владимир Путин.

Русија, доминантниот играч во ОДКБ, долго време беше главниот арбитер на Јужен Кавказ, кој се граничи со Турција и Иран, и каде Ерменија и Азербејџан водеа две големи војни од распадот на Советскиот Сојуз во 1991 година.

Односот кон Москва драматично се смени откако Кремљ не упати воена помош во неодамнешните судири со главниот ерменски непријател Азарбеџан кој во последниот конфликт речиси целосно го зазеде Нагорно Карабах, спорна територија за која постои повеќедецениски конфликт меѓу овие две поранешни советски републики.

Ерменија побара помош од организацијата во септември, но доби само ветување дека ќе испрати набљудувачи. Пашинјан го спореди ова со брзата одлука на алијансата да испрати војници во Казахстан, членката на ОДКБ, за да му помогнат на претседателот Касим-Жомарт Токаев да го преживее бранот немири.

Поради ова ерменскиот премиер ја доведе во прашање ефикасноста на шестчлената Организација на Договорот за колективна безбедност.

На социјалните мрежи се појави видео на кое се гледа како Пашинјан ненадејно ја завршува средбата, без никаква потпишана декларација, оставајќи ги Путин и Лукашенко без зборови.

A video appeared showing how Pashinyan humiliated Putin and Lukashenko by closing the CSTO summit in Yerevan without signing the final declaration

His logic is that since the CSTO does not want / can actually help Armenia, then there is no point in signing empty pieces of paper. pic.twitter.com/Di9G5JpJYP

— cyberlollipop (@cyberlollipop) November 24, 2022

Организацијата на колеткивна Бебзедност ОДКБ е регионална меѓународна организација создадена на територијата на поранешниот СССР, која се заснова на безбедносно-воена соработка. Ова е област која е делумно застапена во рамките на Заедницата на независни држави (ЗНД). Покрај Шангајската организација за соработка (СЦО), каде што оската Пекинг-Москва, заедно со централноазиските земји од постсоветскиот простор, гради безбедносен сојуз од евроазиско значење, ОДКБ претставува потесен воено-безбедносен сојуз на важни земји од постсоветскиот простор.

Членки на Организацијата на колеткивна Бебзедност ОДКБ се Русија, Белорусија, Казахстан, Ерменија, Киргистан и Таџикистан.

pic.twitter.com/GuGrGHWNuU

— zoranceran (@zoranceran2) November 24, 2022

Земји набљудувачи се Авганистан и Србија а во преговори за идни членки се Индија, Египет и Иран со кои се преговара последниве 8 години.

Поранешни членки, односно земји кои излегоа од овој сојуз се Азербејџан, Грузија и Узбекистан. Сите три поранешни советски републики излегоа од сојузот поради воинствената политика на Москва пред се во воената интервеција во Грузија.

Сега и таканаречената руска спецјална воена операција во Украина станува главен мотив за најава на Казахстан и Ерменија да ја напуштат ОДКБ, бидејќи не се согласуваат и не сакаат да учествуваат во воените дејствија кои Русија во моментов ги спроведува.