САД неделава најавија дека ќе воведат дополнителни санкции за Русија поради затворањето на опозционерот Алексеј Навални. Американските санкции за Русија , се поврзани со труењето на опозиционерот Алексеј Навални.

Откако беше обелоденет извештајот во кој се наведува дека три извори ја потврдиле информацијата дека зад труењето на Навални стои Русија, Стејт департментот не ја коментираше најавата за воведување санкции, но висок експерт на ООН за човекови права оцени денес дека поранешниот американски претседател Доналд Трамп е одговорен затоа што тој не сторил ништо за да ги казни Русите кои се одговорни за обидот за ликвидација на Алексеј Навални.

Американскиот претседател Џо Бајден минатиот месец оцени дека апсењето на Навални по враќањето од лекувањето во Германија е „политички мотивирано“ и побара тој да биде ослободен. Бајден, исто така, повика на поостар однос кон Русија и најави дека Вашингтон повеќе нема да „врти глава“ пред агресивните активности на Кремљ.

Дополнително заострување на односот на Вашингтон и меѓународната заедница кон Русија предизвика и преместување на Навални во друг затвор со полоши и построги услови, кои според САД не кореспондираат со неговата затворска казна и политчки прогон.

44-годишниот Навални се разболе во Сибир и беше префрлен во Германија, каде соопштија дека пронашле докази дека бил отруен со новичок, забранет нервен агенс. Русија негира каква било улога во неговата болест и вели дека не видела доказ дека е отруен. По петмесечно закрепнување во Германија, Навални се врати во Русија во јануари. Тој беше уапсен при пристигнувањето и осуден на две и пол години затвор за кршење на одредбите на условната затворска казна.

Уште една држава се најде на мета на американските санкции. Се работи за Саудијска Арабија еден од најголемите блискоисточни сојузници на САД. Односите меѓу Вашингтон и Ријад се влошија откако пред две години беше ликвиидран саудскиот новинар Џамал Кашоги. Тој според извештаите на ЦИА влегол во саудскиот конзулат во Истанбул за да ја подигне својата виза, по што му се губи секаква трага.

ЦИА и останатите разузнавачки агенции по двегодишната истрага дојдоа до трага дека Кашоги бил ликвидиран во конзулатот од страна на саудските разузнавачки агенти, кои за да ја скријат трагата, телото на Кашоги го распарчале и уништиле, со што не оставиле никакви траги за неговото постоење.

Зад оваа ликвидација се обвинува дека стои саудскиот престолонаследник Бин Салман кој првин негираше, а потоа призна вмешаност велејќи дека Кашоги бил ликвиидран поради грешка. Саудскиот новинар Џамал Кашоги како угледен новинар пишуваше за голем број западни и американски медиуми. Неговите написи беа критички вперени кон саудиското кралско семејство и пред се кон принцот престолонаследник Бин Салман, поради што ретко престојуваше во својата родена држава.

Се шпекулира дека лкивидацијата на Кашоги Бин Салман ја наредил бидејки Кашоги сакал да објави текст во медиумите со докази дека по наредба на Бин Салман Саудиска Арабија ги ракетирала позициите на Хутите во јемен со осиромашпен ураниум. Со доаѓањето на новата администрација на Џо Бајден во Вашингтон се интезивираа заканите на САД за воведување санкции кон својот блискоисточенм сојузник. Засега Вашингтон бара апсење и вадење пред лицето на меѓународната правда на припадници на таканаречените специјални единици кои се задолжени за „ликвидацијата на неистомисленици.