ВИДЕО | Андоновиќ: Москва размислува да ја стави Британија на списокот непријателски држави
Навлегувњето на британскиот Разурнувач во руски територијални води може да ја стави Британија на рускиот список непријателски држави. Ова се заканите кои доаѓаат од страна на одредени руски претставници по вчерашниот инцидент предизвикан од борбениот брод од класата „Разурнувач“ ХМС „Дефендер“ на британската морнарица кој ја премина државната граница на Руската Федерација движејќи се по северозападниот дел на Црното Море и навлезе 3 километри во руските територијални води.
Руската Црноморска флота, заедно со Граничната служба на руската морнарица истрелала 2 предупредувачки проектила со цел да спречи британскиот разорувач да ја наруши руската државна граница. Претходно, Москва ги повика САД и НАТО да ги прекинат воените операции во Црното Море и да работат заедно за одржување на стабилноста.
Според руските извештаи британскиот разурнувач добил предупредување дека ќе се користи оружје ако ги наруши границите на Руската Федерација. Сепак, воениот брод не одговорил на тоа предупредување, по што граничниот брод на руската флота испукал два предупредувачки истрела а биле активирано и и руското воено воздухопловство кое го ставило во функција авионот Су-24 кој извршил предупредувачко бомбардирање во десното движење на британскиот разурнувач.
Велика Британија демантираше дека Русија пукала кон нивни брод во Црното море, наведувајќи дека инцидентот е дел од претходно најавена воена вежба. во близина на украинскиот полуостров Крим, кој Русија го анектираше во 2014 година. Лондон соопшти дека најверојатно се работи за воена вежба на руската морнарица која во тој момент изведувала боево гаѓање во Црото море.
„Ниеден истрел не бил насочен кон ХМС Дифендер и не ги признаваме тврдењата дека бомби биле фрлени на неговата рута“, се наведува во соопштението на британското министерство за надворешни работи.
Москва го анектираше Крим во 2014 година, а воено и политички ги подржува проруските сепаратисти во источниот украински регион Донбас. Западните земји воведоа санкции кон Русија поради анексијата на Крим, апсењето и затварањето на рускиот опозиционер Алексеј Навални, но и поради изборните мешања и сајбер нападите врз американската инфраструктура.
