ВИДЕО | Андоновиќ: Макрон се бори за лидерско место во ЕУ, а губи на домашен терен

Фото: EPA-EFE/CHRISTIAN HARTMANN / POOL MAXPPP OUT

Прелиминарните резултати од вчерашниот прв круг на локалните избори во Франција, покажуваат дека претседателот Емануел Макрон и неговиот главен ривал Марин Ле Пен нема да го добијат она за што се надеваа.

Двете партии заостануваат зад конзервативната Републиканска партија, која оствари најдобри резултати на вчерашните регионални избори во Франција, додека крајно десниот Национален совет на Марин ле Пен оствари послаби резултати од очекуваните.

Републиканците добиле меѓу 26 и 28 отсто од гласовите, а дека зад нив се партијата на Ле Пен, Социјалистичката партија со сојузниците, Зелените и, на петтото место, партијата Република во движење на претседателот на државата Емануел Макрон.

Според проекциите, центристичката партија на Макрон треба да добие повеќе од 10% од гласовите, што е доволно за следниот круг, што ќе се одржи на 27 јули.

Националната партија исто така доби помалку гласови отколку што се очекуваше поради Марин Ле Пен.

Дел од членовите на партијата на Макрон оценија дека слабите резултати на партијата се своевидна „демократска шлаканица “.

Се очекуваше Националното собрание да освои барем еден од 14-те региони во првиот круг за прв пат во историјата, но тоа не се случи. Ле Пен не учествуваше на изборите, но таа ја води кампањата.

Анкетите предвидуваа уште полош резултат на партијата на Макрон, на која ѝ недостига силна гласачка база на локално ниво, а на исходот влијаеше и незадоволството на граѓаните од начинот на кој владата управуваше со кризата предизвикана од пандемијата на коронавирусот. Партиите кои ќе освојат повеќе од десет отсто од гласовите одат во вториот круг, закажан за 27 јуни.

Клучното прашање пред вториот круг ќе биде дали гласачите и понатаму се обединети во настојувањето да спречат Ле Пен да дојде на власт, како што беа во претходните изборни циклуси. Првиот круг на регионалните избори го обележа исклучително ниска излезност, помала од 34 отсто.
Французите вчера ги бираа властите во 13 региони во земјата и во две прекуморски територии. Во нивна надлежност се главно локални прашања, како сообраќајот, школите и инфраструктурата.

Политичарите, меѓутоа, ги користат изборите како прилика да добијат поддржувачи за претседателските избори во април 2022 година, на кои се очекува доминација на Ле Пен и Макрон.

Од друга страна дојдоа и критики кои се однесуваат на амбициите на Макрон да го заземе лидерското место во ЕУ по заминувањето на канцаларката Ангела Меркел, а притоа да доживее пораз на домашен терен од своите граѓани.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот