ВИДЕО | Андоновиќ: Иако лидер по број на вакцини, Србија во карантин

epa09037725 Women enjoy the sun at a cafe in Belgrade, Serbia, 25 February 2021. The commitment to buy millions of vaccines from China and Russia, despite their aspiration to enter the European Union (EU) in the coming years, and good planning has allowed Serbia to lead the rate of vaccination in continental Europe. Until today the Balkan country has already injected some 1.3 million doses among its 7 million inhabitants. EPA-EFE/ANDREJ CUKIC

Србија изминатиот викенд беше во дводневен целосен карантин поради растечките бројки на новозаразени и починати лица. Според српските власти одлуката за затварање и забрана за движење била донесена по енормно растечкиот број на новозаразени кој за едно деноноќие се искачил на повеќе од 4.000 новозарзени и 17 починати.

Мерките како што тврдат срспките власти треба да ја сузбијат и недисциплината која, како што потенцираа, владее кај дел од граѓаните кои грубо ги прекршуваат пропишаните мерки. Зачестени се рациите и полициските упади на бројни таканаречени ковид забави, каде се приведуваат и по неколку стотини лица кои без заштитни маски се групираат во затворнеи простории.

Дел од Кризниот штаб, пред се од медицинската фела побараа од политичарите да воведат поригорнозни мерки. Епидемиолозите бараат од владата да воведе 7 дневен карантин, кој, какошто сметаат, е единствен разумен временски рок да се сузбие растечкиот број на новозаразени. Според епидемиолозите во Србија најмногу е присутна таканаречената британска мутација, која според нив брзо се шири особено меѓу младите кои воедно се и најнедисциплинираните за почитување на мерките за забрана за собирања.

Во наредните денови српскиот Кризен штаб треба да одлучи дали ќе воведе дополнителни мерки и повеќедневен локдаун или ќе остане само на сегашните. Се смета дека иако вакцинацијата е во тек, мора да помине подолго време за таа да даде резултати, па оттаму нема простор за опуштање, велат епидемиолозите.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот