4 C
Скопје

ВИДЕО | Андоновиќ: Бајден ги враќа САД во унилатералата – ги поништува актите на Трамп и последиците од „трампизмот“

Веднаш по преземањето на функцијата и влегувањето во Белата куќа новиот американски претседател Џозеф Бајден потпиша 15 претседателски укази и две наредби во федералните агенции Со ова Бајден поништи низа одлуки донесени од неговиот претходник Трамп.

Така ја поништи одлуката на својот претходник односно ги врати САД во Парискиот мировен договор за климатските промени, повлекување со кое Трамп можеше да предизвика војна во Иран и нови конфликти во Персијскиот залив. Во однос на поништување на претходните одлуки, Бајден ја суспендираше забраната за влез на за влез во САД за државјани на повеќе земји, претежно со муслиманско мнозинство. Забраната беше изгласана само неколку дена откако Доналд Трамп ја презеде функцијата во јануари 2017 година.

Една од наредбите се однесува и на укинувањето на стопирањето на изградбата на ѕидот на границата меѓу САД и Мексико, проект со кој неговиот претходник беше прилично горд. Во економска смисла, Бајден, исто така, го проширува мораториумот за иселување од луѓето од нивните домови, а кои се поврзани со пандемијата.

Прочитајте и...  ВИДЕО | Разговор со Ивана Хаџиевска: Многу делови од женската историја се избирашни од културната меморија

Што се однесува до ковид пандемијата, 46-от претседател на САД издаде наредба со која се воведува задолжително носење маска во просториите и областите што зависат од сојузните држави, како и при патување меѓу државите во САД, постапка што Доналд Трамп секогаш одбиваше да ја направи.

Иако Трамп ја прекрши вековната традиција за примопредавање на власта на својот наследник во Белата куќа, тој сепак остави проштално писмо за кое Бајден изјави дека било „многу дарежливо писмо“ но дека нема да ја открие содржината на писмото поради почитта кон Трамп, но и поради тоа што содржината била од приватна природа.

Во меѓувреме покрај новиот претседател и потпретседател на САД и власта во Белата куќа демократите за првпат по 10 години ја презедоа и контролата врз Сенатот. Тројца нови американски сенатори положија заклетва со што Демократската партија обезбеди контрола над Горниот дом на Конгресот на САД. Покрај функциите претседател и потпретседател на државата, демократите ќе го контролираат Претставничкиот дом и Сенатот во следните две години, што ќе му овозможи на Бајден да спроведе амбициозен план за соочување со големи предизвици.

Прочитајте и...  Македонија и Албанија заедно имаат што да и понудат на Европа

Односот на демократите и републиканците во Сенатот сега е 50 спрема 50, но во тој случај одлучувачки е гласот на Камала Харис. Тоа значи и дека обидот за импичмент на Трамп би можел да биде реализиран и за разлика од минатото кога беше стопиран во сенатот, предноста на демократите би можела да предизвика изгласување на отповикувањето на Трамп.

Иако Трамп замина, доколку сенатот пресуди дека тој како претседател треба да биде отповикан , тогаш Трамп ќе биде оневозможен до крајот на својот живот да се знаимава со јавна општествена дејност и со политика. Особено што тој на неколкупати пред своето заминување од Белата куќа најави дека планира да направи своја политка партија и во неа да ги обедини сите свои 74 милиони американски подржувачи кои го дадоа гласот за него на последните избори.

Прочитајте и...  Курц: Веќе нема да се потпираме на ЕУ за вакцините

Фактот дека доколку Трамп се одлучи да направи партија и трета политичка опција, можеби најголеми штети ќе имаат републиканците бидејќи тој би мобилизирал поголем дел од разочараните републикански гласачи во својот табор. Се шпекулира дека токму затоа, покрај демократите, голем интерес за искоренувањето на Трамп од американската политичка сцена имаат и републиканците кои би гласале за евентуалниот ипичмент.

Останува да се види како владејачките демократи предводени од Бајден ќе се справат со „трампизмот“ и она што 45 -преседател на САД Доналд Трамп го остави како последица од своето 4 годишно владеење со САД.

Поврзани вести

Се сруши патнички авион: Најмалку 12 лица загинаа во Јужен Судан

Слободен печат

Кумата на Путин влегува во политика: Русија и Украина на работ на нова војна?

Илинка Иљоска

Ќе никне ли комплекс без идеја, без ентитет и далеку од размерите во секаква смисла во строгиот центар на Скопје?

Дино Чупевски

Мас: Ние остануваме на ветувањето дека иднината на Западен Балкан е во ЕУ

Слободен печат

Николовски: Постојано ќе се разгледува реализацијата на Планот за корупција

Слободен печат

Николовски: Парламентарното мнозинство ќе продолжи да расте

Слободен печат

Остави Коментар