Црниот биланс од несреќата во Кочани е 59 згаснати млади животи, како и 155 лица кои се повредени во стравотниот пожар што неделата наутро избувна во дискотеката „Пулс“ во овој град, за време на концертот на бендот ДНК.

– Во Македонија животот се сведе на живот меѓу две катастрофи, а оваа несреќа е резултат на целосната затаеност на системот. Мислев дека по несреќата во Тетово кога гореа живи луѓе, дека нешто ќе смени во Макеоднија, односно дека нема да случи ништо слично во иднина. Сепак, како што имавме две трагични авионски несреќи, две трагични автобуски несреќи со многу жртви и повредени, така и по втро пат ни се случува пожар на место со многу луѓе. Објектот во кој бил одржан концертот видовме дека личи на кокошарник, а дискотеката работела со фалсификувана лиценца. Сепак, на тоа место претпоставувам редовно се одржувале забави на кои присуствувале и малолетни лица. Ова е огромна трагедија за Македонија и се надевам дека конечно ќе бидат извлечени поуки за во иднина – вели новинарот на Слободен печат, Срѓан Ивановиќ.