ВИДЕО: Алиоски со асистенција, конечно победнички насмевки и за Ал Ахли

Езџан Алиоски со Ал Ахли ја забележа првата победа во шампионатот на Саудиска Арабија/Фото: instagram.com/alahliclub.sa

Дури во осмото коло од новата сезона во најквалитетната лига на Саудиска Арабија успеа составот на Ал Ахли да го вкуси првиот триумф.

На домашен терен со убедлив резултат 4:0 Ал Ахли ја совлада екипата на Ал-Етифак, а придонес во овие три бода имаше македонскиот репрезентативец Езџан Алиоски.

Нашиот играч кој настапи до 85 минута асистираше во 68 минута кога голот беше дело на Гареб.

Моментно на табелата Ал Ахли е на 11 позиција со осум бодови, a во следната рунда ќе игра со Ал Таее на гости на 21 октомври 2021 година.

На видео записот можете да ја погледнете асистенцијата на Алиоски кој оваа сезона досега има и два голови:

Видео на денот