ВИДЕО | Алек и Хиларија Болдвин го открија полот на седмото дете
Актерот Алек Болдвин и неговата сопруга Хиларија наскоро повторно ќе станат родители, а на социјалната мрежа Инстаграм открија дека очекуваат уште едно девојче.
„Секогаш ми беше забавно да го дознаам полот на бебето, но како што растам и учам, сакам тоа да го направам поинаку овојпат. Што ќе направи нашето бебе да е личност полно со љубов? Што е важно? За што ќе се чувствува видено, слободно и гордо? Можеби ништо што би можеле да го дефинираме. Можеме само да ја водиме, да ѝ го охрабриме духот, да ја слушаме, да ѝ ги споделиме своите искуства и да учиме од неа. Можеме да ѝ пружиме што подобар живот, но нашето бебе треба само да го открие своето, единствено ‘јас’“, додаде таа.
View this post on Instagram
На почетокот од месец април, таа објави дека има две причини поради кои не планира да го открие полот на детето што го очекува.
„Го изгубив моето четиримесечно бебе во 2019 година. Мислам на неа секој ден и разбирам дека мајчинството има свои светли и темни страни. Но, ќе почекам да ја поминам временската точка кога ја изгубив ќерка ми“, објасни таа тогаш, а како втора причина ја наведе родовата неутралност.
Како потсетување, Алек и Хиларија веќе ги имаат осумгодишната Кармен, шестгодишниот Рафаел, петгодишниот Леонардо, тригодишниот Ромео и едногодишните Едуардо и Марија Лусија, кои ги добија преку сурогат мајка. Алек Болдвин има уште една ќерка, 26-годишната Ирланд Болдвин, која ја доби со својата поранешна партнерка Ким Бејсингер.