Активисти на меѓународната еколошка организација „Гринпис” денеска се спуштија на покривот на зградата на Европската централна банка (ЕЦБ) во Франкфурт за да развијат транспарент во знак на протест против политиката за заеми на оваа финансиска институција, за која климатските активисти тврдат дека ја фаворизира индустријата на најголемите загадувачи, пренесуваат американските медиуми.

Медиумите наведуваат дека активистите, со помош на параглајдер со мотор, дошле до покривот на зградата на седиштето на ЕЦБ во Франкфурт, и потоа го развиле транспарентот со пораката „Стоп на финансирањтое на убијците на климата”.

Greanpeace Motorschirmflieger kreist vor Europäischen Zentralbank in Frankfurt am Main pic.twitter.com/VeBWb0ZzZf

— Roland Spahr (@RolloApollo) March 10, 2021

Американските медиуми наведуваат дека ЕЦБ потврди дека активистите се спуштиле на нејзиниот покрив и дека поради овој случај била повикана полиција, пренесуваат АП.

„Гринпис” соопшти дека една неодамнешна студија покажала дека банката им дава подобар кредитен рејтинг на компаниите што произведуваат големи количества гасови со ефект на стаклена грдина, додека индустриите што се поприфатливи за климата се оптоварено со поголема маржа меѓу пазарната вредност на нивните средства и вредноста што им ја пресметува самата ЕЦБ и на тој начин банката систематски ја поткопува заштитата на климата.

ЕЦБ на почетокот на годинава соопшти дека формира специјална единица за координација на мерките против климатските промени.