ВИДЕО: Адеми претрча пола терен за супер гол, со Динамо во куп финалето!

Денеска Динамо Загреб успеа да обезбеди настап во големото финале во Купот на Хрватска откако со 4:1 по продолженијата ја елиминираше Горица.

За „модрите“ настапија двајцата македонски репрезентативци, Стефан Ристовски како стартер до 81 минута, и Аријан Адеми од стартот на второто полувреме.

После регуларните 90 минути беше 1:1, а Динамо успеа во двете продолженија да го скрши отпорот на противникот.

При резултат 3:1 во 119 минута Адеми претрча скоро пола терен и успеа да се запише во листата на стрелците.

Ривал во битката за куп трофејот на Динамо ќе му биде составот на Истра на 19 мај.