ВИДЕО: Адеми и Ристовски успешни во Генк, прекрасен гол на Канга за Црвена звезда

Прва победа за Динамо Загреб сезонава во Лига Европа/Генк, Белгија/30 септември 2021/Фото: EPA-EFE/OLIVIER HOSLET

Составот на Динамо Загреб дојде до првиот триумф сезонава откако славеше убедливо со 0:3 против Генк во Белгија во второто коло од Лига Европа.

За хрватскиот клуб настапија двајцата македонски репрезентативци, Аријан Адеми кој беше стартер играше до 64 минута кога беше заменет од Гојак, а целиот натпревар го одигра Стефан Ристовски.

Кај „модрите“ двапати во листата на стрелците се запиша Петковиќ од пенал (45+3`, 67`), а претходно гол серијата ја започна Иванушец во 10 минута од средбата во „Луминус“ Арената во Генк.

Во истата група „Х“ Вест Хем со головите на Рајс и Бенрахма минута славеше над Рапид Виена. На табелата со шест бодови води Вест Хем, пред Динамо Загреб и Генк кои имаат по три, а без бодови е Рапид Виена.

Црвена звезда дојде и до вториот триумф во групата „Ц“ овојпат во Бугарија над Лудогорец (0:1). Голот за белградските „црвено-бело“ беше дело на интернационалецот од Габон, Канга во 64 минута. Во вториот меч од истата група Брага со 3:1 триумфираше над Митјиланд. На табелата води Црвена звезда со шест бодови, три има Брага, по еден Лудогорец и Митјиланд.

Во другите денешни мечеви од второто коло во Лига Европа: Селтик – Баер Леверкузен 0:4, Ференцварош – Бетис 1:3, Лацио – Локомотив Москва 2:0 и Марсеј – Галатасарај 0:0.

Елмас го има најбрзиот гол во Лига Европа за италијански клуб

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот