Македонските репрезентативци Аријан Адеми и Стефан Ристовски доживеа пораз од 2:0 со нивниот Динамо Загреб во првиот осминафинален натпревар во Лигата на Европа.
Динамо е поразен од Тотенхен со 2:0, а човек на одлука беше Хари Кејн кој ги постигна и двата гола, првиот во 25., а вториот во 70. минута.
Ристовски го одигра целиот натпревар, додека Адеми беше во првиот тим на Динамо, но беше заменет во 90. минута од Фрањиќ.

Огромен чекор во пласманот во наредната фаза направи Арсенал кој како гостин со 1:3 го совлада Олимпијакос. „Топчиите“ поведоа со голот на Мартин Едегор во 34. минута, а Олимпијакос израмни преку Јусеф Ел Араби во 58. минута. Во последните 10. минути, Арсенал дојде до победата благодарение на головите на Габриел и на Мохамед Елнени.

Сигурен настап на домашен терен имаше Гранада која со 2:0 го совлада Молде. Победата на шпанскиот тим му ја донсеа Хорхе Молина во 26. и Роберто Солдадо во 76. минута.
Најубедливиот триумф го обезбеди Рома која со 3:0 беше подобра од Шахтјор благодарение на головите на Пелегрини, Ел Шарави и Манчини.