Се шпекулира дека еден од играчите кој сигурно ќе ја напушти Барселона ова лето е Артуро Видал. Чилеанеанскиот интернационалец не е во плановите на новиот тренер на каталонската екипа, Роналд Куман.

Видал кој пред две години дојде од Баерн е соочен со ваквата намера од првите луѓе на „Камп Ноу“, по што имаше и свој коментар околу сегашната ситуација во Барса.

– Фудбалот многу се разви, ДНК застари, а другите екипи станаа подобри во однос на силата и брзината. Барселона има многу што да промени.

Клуб кој мисли да биде најдобар во светот не може да има 13 професионалци, а останатите да бидат млади играчи. Не затоа што тие не заслужуваат да бидат таму, но мора да го имате најдобриот натпреварувачки тим.

Ла Лига застана на страната на Барселона: Договорот на Меси е важечки

На секој тим му требаат 23 играчи да се борат за своето место, да растат и да се подобруваат секој ден. Доколку мислите дека ДНК може да ве направи вечни победници, многу грешите.

Има многу добри играчи, ние го имаме Меси кој е странец и број еден, но му треба помош. Играчи кои го подобруваат тимот воедно даваат подобри резултати – се зборовите на Видал.