Вестбрук уште пред две недели се договори со Леброн и Дејвис да дојде до Лејкерс
Иако изминатата ноќ се одржуваше НБА драфтот, главна вест во НБА е Расел Вестбрук кој на 6. август ќе стане нов кошаркар на Лос Анџелес лејкерс. Оваа размена била договорена уште пред две недели, а ќе се официјализира на 6 август, кога НБА лигата ќе го објави селари капот за следната сезона.
Поранешниот МВП на лигата, Расел Вестбрук од Вашингтон се сели во ЛА Лејкерс во замена за Кајл Кузма, Монтрезл Херел, Кентавиус Колдвел-Поуп и 22. Избор од утринскиот драфт (Ајзеа Џексон).
Американските медиуми пренесуваат дека оваа размена била договорена уште пред недели кога Вестбрук и најголемите ѕвезди на Лејкерси, Леброн Џејмс и Ентони Дејвис имале средба во домот на Леброн за да го разгледаат сценариото по кое ќе играат во ист тим.
Вестбрук на тајниот состанок им порачал на Леброн и на Дејвис дека сака да се врати во родниот град, Лос Анџелес и конечно да стане НБА шампион. Од друга страна, Џејмс и Дејвис порачале дека повеќе ќе играат на позициите центар и крилен центар за да му ја олеснат адаптацијата на Вестбрук во тимот на Лејкерси.
RUSS IS A LAKER 🔥
The Lakers and Wizards have agreed on the trade for Russell Westbrook, sources tell @wojespn. pic.twitter.com/kfhcMGdRsS
— SportsCenter (@SportsCenter) July 30, 2021
Вестбрук од 2008 година настапува во НБА лигата и досега го носеше дресот на Оклахома сити тандерс, Хјустон рокетс и Вашингтон за кого играше минатата сезона. Најголем индивидуален успех му е признанието за МВП на сезоната во 2017 година додека со тимот на Оклахома сити играше во финалето на Западната конференција но беше елиминиран од Голден Стејт вориорс.
Минатата сезона во дресот на Вашингтон имаше просек од 22.2 поени, 11.5 скокови и 11.7 аситенции по натпревар.
Леброн Џејмс ќе добие фантастичен соиграч, Вестбрук се прости од навивачите на Вашингтон