Вестбрук сам го победи Бостон, дебакл на Лејкерс (ВИДЕО)
Победникот во дербито на вечерта беше решен по продолжението од пет минути.
Хјустон рокетс со 111:110 го совлада Бостон селтикс во најнеизвесниот натпревар во НБА лигата. Расел Вестбрук одигра одлична партија, постигна 41 поен, 5 асистенции и 8 скокови.
Во самиот финиш од натпреварот, Бостон имаше негатива од четири поени, но Џејлед Браун постигна тројка по намерно промашеното слободно фрлање. Сепак, во продолжението Вестбрук беше најдобар и му обезбеди победа на Хјустон.
ЛА Лејкерс го одиграа најслабиот натпревар сезонава и се убедливо поразени од Мемфис со 105:88.
Џа Морант со 27 поени и 14 асистенции беше најрасположен во тимот на Мемфис каде се истакна и Брукс со 24 поени. Леброн Џејмс постигна 19 поени со осум скока и 10 асистенции за ЛА Лејкерс кој и понатаму останува лидер во Западната конференција.
Индијана пејсерс конечно нема проблеми со повредените играчи и без проблеми со 113:104 го победи Кливленд. Домантас Сабонис имаше дабл-дабл од 18 поени и 13 асистенции, додека Ворен постигна 30 поени за петтиот тим на Истокот.
Голден стејт со 115:99 го совлада Феникс, а Мајами ја продолжи кризата на Бруклин кој до крајот на сезоната ќе игра и без втората ѕвезда, Кајри Ирвинг, кој се повреди.
Резултати:
Феникс – Голден Стејт 99:115
Сан Антонио – Орландо 114:113
Бостон – Хјустон 110:111
Мемфис – ЛА Лејкерс 105:88
Кливленд – Индијана 104:113
Мајами – Бруклин 116:113
Атланта – Портланд 129:117