Во последниот наптревар во 2019 година, „чеканите“ пред своите гледачи загубија од Лестер со 1:2 за шести пораз на домашен терен оваа сезона.

Вест Хем во последните 12 натпревари во Премиер лигата забележа дури девет порази и се наоѓа на 17. место на табелата. Овие катастрофални бројки и резултати беа доволна причина за раководството на екипата да му врачи отказ на Пелегрини кој на клупата на „чеканите“ седеше една и пол година.

За разлика од Пелегрини кој остана без работа, поранешниот асистент на Луис Енрике, Роберто Морено, кој едно време беше и селектор на Шпанија, тренерската кариера ќе ја продолжи во Франција.

AS Monaco announces the end of its collaboration with coach Leonardo Jardim. Former Spain national team coach Robert Moreno takes over first-team duties in an agreement that runs until 2022. pic.twitter.com/KxbiMnrgZZ

— AS Monaco EN (@AS_Monaco_EN) December 28, 2019

Морено е новиот тренер на Монако, кој денеска го отпушти Леонардо Жардим поради слабите резултати сезонава. Морено потпиша две и пол годишен договор со Монако, екипа која моментно се наоѓа на седмото место на табелата во француската Лига 1.

Тој досега работеше како помошник на Луис Енрике во Рома, Селта и Барселона и во шпанската репрезентацијата, а самостојно ги водеше екипите на Ла Флорида, Хоспиталитет и Кастелдефелс.