Eкипата на Манчестер јунајтед ја игра најлошата сезона во својата историја во Премиер лигата (од 1992 година) и во овој момент веројатно само ФА Купот и Лигата на Европа се шанса тимот да обезбеди настап во Европа следната сезона.

Манчестер јунајтед во овој момент е на 15-тата позиција на табелата со мали шанси за некој поголем прогрес.

На Островот сега направија пресметка со помош на вештачката интелигенција и според таа пресметка Манчестер јунајтед најмногу би се искачил до 12. Позицијата, но поверојатно е дека ќе биде 13-ти и за такво нешто се даваа 17.3% шанси или да заврши 16-ти, шансите за оваа позиција се 12.1%.

Кога во прашање се шансите „црвените ѓаволи“ да влезат во топ 10, се даваат минимални шанси од 5%.

За врвот на табелата „АИ“ прогнозира дека Ливерпул има 85.8% шанси да стане шампион, а потоа следи Арсенал со 14.01%.