Весел Мемеди ги повлекува сите негови функционери?

фото: Тетова Сот

На вчерашниот состанок на Општинскиот совет во Гостивар, советникот на Националната демократска преродба (НДП) го напуштил состанокот и како последица на тоа, локалното мнозинство СДСМ-ДУИ останало без мнозинството гласови, пишува „Факте“, пренесува „Тетова Сот“.

Ова се должи на влошувањето на односите меѓу НДП и владеачката СДСМ, бидејќи премиерот Зоран Заев одлучи да и го земе министерството за Локална самоуправа на партијата на Весел Мемеди.

Во текот на денешниот ден се очекува да бидат изгласани и новите министри, додека НДП најави обелоденување на официјален став доколку се реализира планот на Заев.

Според истиот медиум, партиски извори велат дека речиси е завршена работа дека утре НДП ќе ги повлече сите свои функционери од сите нивоа, со што ќе стави крај на заедничкото владеење со Заев.

Инаку, во времето кога беше формирана Владата на Заев, гласот на НДП во Собранието, беше потребниот глас за да се формира новото парламентарно мнозинство. Како последица на тоа, Мемеди беше назначен за подпретседател на Собранието, додека пак неговите сопартијци добија едно министерство и повеќе функции во третиот и четвртиот ешалон.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот