ВЕРУВАЛЕ ИЛИ НЕ: Во паркиран автомобил измерени 81°C
Во Загреб кој пред неколку дена беше зафатен од топлотен бран во паркиран автомобил на сонце бил измерен верувале или не 81 Целзиусов степен, изјавија од Одделението за заштита на јавното здравјето на населението, од каде порачаа дека во блиска иднина ќе биде изработен и термометар кој со сигнали ќе предупредува на прекумерната температура во возилата.
Исто така ќе направат и анализа за можните штетни влијанија на високите температури на материјалите вградени во внатрешноста на автомобилот со цел да се избегнат испарувања, експлозии или палење.
Како што наведоа потребна е информираност на населението околу безбедноста за изложување на сонце во склад со климатските промени.
Никојпат немојте веднаш да влегувате во вашиот автомобил кој бил паркиран на сонце, најпрвин отворете ги вратите почекајте жешкиот воздух да излезе и вклучете го системот за разладување.