Верувале или не: Играч на Јунајтед не знае против кој игра! (ФОТО)
Фудбалерите на Манчестер јунајтед во минатото коло славеа во градското дерби против Сити на гостински терен со 2:1 и на тој начин некако ја вратија добрата атмосфера и кај навивачите за неколку претходни лоши партии сезонава.
„Црвените ѓаволи“ во текот на оваа седмица во шестото коло од Лига Европа дома го совладаа холандскиот АЗ Алкмаар со 4:0 и така го обезбедија првото место во групата пред ждрепката за 1/16 финалето в понеделник.
Сите овие мечеви се зад нив, а денеска на распоредот е нов од 15.00 часот во Премиер лигата кога на „Олд Трафорд“ гостува Евертон.
Но, доколку сте фан, односно го следите Андреа Переира, Јунајтед денеска гостува кај составот на Ватфорд.
Бразилецот на својот „Твитер“ профил го најави мечот од 17. коло на кој најавува натпревар, но не против Евертон.
Ова предизвика вистинска комедија, лавина коментари, навивачите не можат да поверуваат дека може да се направи ваков „гаф“.
Свесни дека и сезонава резултатите не се баш најдобри, дека титулата е можеби веќе „загубена“, заостануваат дури 25 бодови зад лидерот Ливерпул.
Неговата последна објава стои веќе три часа, можеби треба некој да му каже дека не игра против Ватфорд кој својот меч ова коло веќе го имаше во саботата кога загуби од Ливерпул (2:0).